邁向天能，基斯杜化·路蘭(Christopher Nolan)電影之路！ #4

 

《死亡魔法The prestige》係我心目中路蘭電影排行榜頭五名嘅選擇，原因好簡單，就係佢夠路蘭feel，同其他路蘭電影一樣，電影入面所發生嘅事情只係一個載體，要帶出嘅訊息同意義唔睇到最後一幕都搞唔清楚，而當你睇到結局之後就會比佢深深咁震撼住，好啦廢話唔多講，內容無結局爆雷，只有導讀。

 

 -----------------------------------------------------------------------------------------




《死亡魔法The prestige》 成個故事就係圍繞住兩個天才魔術師發生： 勞勃·安杰(Hugh Jackman 飾)同艾佛·波登(Christian Bale 飾)，波登係一個名符其實嘅天才，可以好易容睇穿其他魔術師嘅手法，而佢本人亦都有好多創新諗法，勇於去挑戰同嘗試唔同新嘅魔術技巧；而安杰一心只想超越其他人，人地做到100分，佢將同樣嘅魔術做到110分，劇情就講述兩人係同一個表演團入面嘅拍擋，係一次表演中波登因為試用新嘅手法而害死安杰嘅老婆，續而產生後面一連串嘅鬥爭，而電影入面亦都穿插有關Tesla同Edison嘅改篇故事，唔清楚嘅觀眾大家可以先去了解吓再睇電影。

 

呢套戲又可以睇到路蘭風格嘅剪接手法，本片就利用日記帶各位觀眾穿梭不同劇情時間點同埋人物身上，但係又唔會好似凶心人咁複雜，而係巧妙咁將劇情前因後果串連埋一齊，同時亦都留翻嘅時間比大家消化整理劇情進展，同其他電影劇情堆積去到最後爆發出嚟唔同，本片有三個位爆發位，而呢每一個爆發位同時亦都係為下一個爆發位鋪路，埋下伏筆，所以你會睇到中途以為劇情跟住正路發展，點知突然就一個浪打埋嚟，可以話高潮不斷!

 



        最後想講吓成套戲嘅核心問題，就係復仇，好似周星馳係(西遊記大結局之仙履奇緣)“憎一個人可以五百年咁憎落去”，好多時我地自己去憎一樣嘢或者一個人，一開始都仲有個原因係到，但慢慢就算個原因已經淡化，個種憎恨依然存在，同時亦都變為一種就算犧牲一切都要兩者只能活其一嘅情緒，甚至已經唔係情緒，而只不過係因為“曾經憎過”，所以要繼續憎落去嘅感覺，電影入面兩位主角都因為呢種感覺而步入“魔道”進行生死對抗，就係要證明對方技不如我，所以最後結局係點?自已慢慢睇啦。






 -----------------------------------------------------------------------------------------

可使用以下連結查詢價格或直接連繫我,每日更新不同影碟,快啲嚟睇吓有無啱心水啦!

價格表: https://tinyurl.com/y6f525zt

如上表無你想要嘅碟亦都可以直接俾我名我去揾!


如有任何需要或疑問，歡迎聯絡：

Tel/whatsapp:+853 6806 7322

Facebook: https://www.facebook.com/redeyesmediasolution

Blog: https://redeyesmedia.blogspot.com/



位置： 澳門

留言

張貼留言

這個網誌中的熱門文章

正版4K UHD/藍光碟入門心得 #1

圖片
#1 藍光碟 好啦，上一編 #0 序 講咗成編廢話，今次就直入主題，揾咗一啲比較常見嘅問題統整一編心得文，希望對想初試嘅人有幫助。 TL;DR: Q1: 到底乜嘢係Blu-ray(藍光碟)？ Ans: 一種光碟儲格式，主要分普通Blu-ray(藍光碟)(BD25/50GB)同埋4K UHD(4K碟)(BDXL 100/125GB) Q2: 點分Blu-ray同4K UHD？ Ans: 一般情況可以由盒顏色嚟分，藍色Blu-ray，黑色4K，而盒身前後都分別會有Blu-ray Disc 或4K Ultra HD嘅字樣。 Q3: 乜嘢係4K修復版？ Ans: 一般會係較舊(90年代或之前)嘅電影出現，主要修復畫質及提升解像度，但並非4K碟。 Q4: 點先睇到Blu-ray？ Ans: 幾種選擇：家用遊戲主機、電腦+讀碟機+播放軟件 或藍光播放機。 Q5: 有咩播放軟件好用？ Ans: 主流選擇:PowerDVD、DVDFab Player(收費)或Leawo Player(免費) Q6: Blu-ray碟分區？ Ans: 共分ABC三區，而港澳台版大部份都係全區碟或A區碟 詳細版： Q1. 到底乜嘢係Blu-ray(藍光碟)？ Ans: Blu-ray(藍光碟)其實係一種儲存格式，同DVD/CD/VCD類似，都係一直演化升級變成而家嘅Blu-ray，而平時我哋見到嘅4K UHD 碟都係Blu-ray制式光碟嚟，因為容量唔同，普通嘅Blu-ray 碟有25-50GB容量，可以裝到一套正常FHD解像度電影，而4K UHD Blu-ray則升級到有100-125GB容量，可以裝到4K HDR電影。為咗方便區分，之後就有Blu-ray(藍光碟)同4K UHD(4K碟) Q2. 咁到底點樣分辦啊？ Ans: 現時市面上所販售嘅Blu-ray一般都係用藍色半透明膠盒裝住，係個盒上方會寫住Blu-ray Disc嘅字樣，而4K UHD嘅碟則會係用黑色不透明膠盒裝住，係個盒上方會有4K Ultra HD嘅字樣；而盒後面亦會有分別係FHD 1080P或4K Ultra HD嘅字樣，當然，以上只適用於一般情況，有如一啲特別版或鐵盒版，就會有唔同包裝。 Q3. 成日見到有啲4K修復版，係咪真係4K碟？ An
閱讀完整內容

經典港產片，由藍光重現！

圖片
            如果中咗六合彩你會做乜？《富貴迫人》系列我諗好多人都睇過，由肥姐飾演嘅上海慳家主婦，每日都發著橫財夢；驃叔飾演嘅小男人，係各種工作家庭壓力底下尋求生存之道；一家五口屈埋係幾百尺嘅公屋生活，成為當代人嘅寫照；以搞笑荒誕樣式帶你飛往夢想！ -----------------------------------------------------------------------------------------           撞鬼！撞著隻開心鬼！黃百鳴主演《開心鬼》系列，話你知學生時代可以幾開心幾熱，眼淚交織出友情，中學生應否談戀愛是自古以來的命題 (?) ，中學生有乜煩惱？中學生涯又可以幾搞笑？袁潔瑩、李麗珍、柏安妮等 ” 開心少女組 ” 成員講你知！ -----------------------------------------------------------------------------------------           撞鬼！又撞鬼！不過今次唔係開心鬼，講係舊式恐怖鬼片就諗係《陰陽路》系列，唔係因為有幾高質有幾好手法，而係因為佢夠貼地！所有故事都係以都市傳說為藍本改編，你同我都有幾會撞到，羅蘭、雷宇揚、古天樂為你帶嚟貼身嘅恐佈故事，睇完之後：訓覺？乜嘢嚟架？食得架？ ----------------------------------------------------------------------------------------- 如有任何需要或疑問，歡迎聯絡： Tel/wechat/whatsapp:+853 6806 7322 Facebook: https://www.facebook.com/redeyesmediasolution Blog: https://redeyesmedia.blogspot.com/ 使用以下連結搜尋更多: 價目表: https://tinyurl.com/y6f525zt HK: TW: CN: US: JP: KR: Other:
閱讀完整內容

邁向天能，基斯杜化·路蘭(Christopher Nolan)電影之路！ #3

圖片
       有一段時間無更新，差啲就唔記得咗呢回事，前嗰排睇完天能之後先醒起，今日就會續著嚟講路蘭嘅蝙蝠俠三部曲，隔住兩套戲，但係為咗方便講解就一次過講哂三部曲先啦，一如既往，沒有結局爆雷，只有導讀，今次就因為三部曲串連埋一齊，所以中間會有小小相連嘅劇情，但唔影響觀看。   -----------------------------------------------------------------------------------------      成個三部曲以黃昏，黑夜同黎明分別對應《 蝙蝠俠 : 俠影之謎 Batman Begins 》《 蝙蝠俠 : 黑夜之神 The Dark Knight 》同《 蝙蝠俠 : 夜神起義 The Dark Knight Rises 》，佢地係劇情上其實無好大嘅關連，你是但抽一集出嚟睇都唔會影響理解，但係如果你想了解佢嘅象徵義意咁就一定要按順序嚟睇先得，同復仇者系列唔同，蝙蝠俠並唔單止係一個超級英雄，佢係一個象徵，一個鼓舞人民面對罪惡面對黑暗時挺身而出，勇敢拒絕嘅象徵，但係“有多少光明就有多少黑暗”，蝙蝠俠嘅理念有幾正義，入面嘅反派就有幾邪惡。   而入面嘅反角都唔會純粹為破壞而破壞，佢地每一個背後嘅犯罪動機，其實都係我地間唔中都會有嘅諗法同思維，佢地無一個係天生壞人，全部都係因為思想腐化，扭曲從而變成壞人，佢地嘅理念同諗法有一定嘅道理，但係佢地所做嘅嘢全部都係傷害緊其他人，其實就係我地一般人平時遇到不公之事時腦海入面浮現出嚟嘅瘋狂諗法嘅縮影，將呢個縮影實體化成反角。   而厲害嘅係導演同編劇都將正反兩派嘅角色目標都包裝成同一個 : “保護葛咸市人民”，所以驟眼睇落去你會有種“其實佢都無錯啊”嘅感覺，就連蝙蝠俠有時都有“做壞事”嚟達到目標，但係隨住劇情發展，雙方模糊嘅界線變得清晰，正反派所行嘅道路分歧亦都越嚟越大，呢個時候就更加容易分辨出兩者嘅最終目標係乜嘢，其實就好似當你遇到一件令你心情唔好嘅事情，你會有瘋狂想法同心中道德邏輯觀念交戰，最後得出一個結果從而令到你對呢件事作出反應，呢種“ feelings vs logic ”嘅交戰正正係電影想帶出嚟嘅訊號之一，電影並無明確咁講明話憑感覺做嘢一定係錯，或者一定要憑邏輯決定一切，而係話比你聽人本身就係會以兩者結合去處理事情，但係件事都應該有
閱讀完整內容