紅眼影音

      上篇#1講到凶心人呢套戲可以話公認最有路蘭feel嘅電影，跟住落嚟呢套白夜追兇亦都係公認，不過係公認最無路蘭feel，唔好誤會並唔係話呢套戲拍得唔好，如果以嗰個年代嘅警匪商業電影嚟講，已經係上乘之作，警匪片要有嘅佢全部都有，而且卡士陣容強勁，由阿爾·柏仙奴(Al Pacin)同羅賓·威廉斯(Robin Williams)各自飾演正反角，劇情就講述阿爾·柏仙奴飾演嘅多馬(Dormer)警探因為一單謀殺案而去到阿拉斯加，一個夏天永昼嘅地方進行調查，期間錯手射殺同行嘅警探伙伴，飾演華特(Walter)嘅羅賓·威廉斯以此作為籌碼同多馬展開一場激戰…        劇情開始就係咁，之所以話佢無路蘭feel係因為呢套戲嘅劇情非常公式化，少數嘅賣點如永昼呢個設定為呢套戲增添咗一啲懸疑、撲朔迷離嘅氣氛，貼合翻主題嘅係迷霧中追尋真相，係灰色地帶遊走嘅感覺，但係電影無做太多嘅延伸，同其他路蘭電影做對比差距就出咗嚟，尤其是係當時佢拍完凶心人之後好多人都期待佢下一套戲會有乜嘢新搞作，所以呢套戲本身其實算係水準之上嘅作品，但係就缺少咗強而有力嘅結尾，再加上期望過大，所以好多人都覺得呢套戲偏悶。  可使用以下連結查詢價格或直接連繫我,每日更新不同影碟,快啲嚟睇吓有無啱心水啦!   價格表: https://tinyurl.com/y6f525zt   如上表無你想要嘅碟亦都可以直接俾我名我去揾!   如有任何需要或疑問，歡迎聯絡：  Tel/whatsapp:+853 6806 7322  Facebook: https://www.facebook.com/redeyesmediasolution   Blog: https://redeyesmedia.blogspot.com/

     係我個人導演排行榜頭三名嘅基斯杜化·路蘭(Christopher Nolan)新電影《天能》(Tenet)準備上映，係入戲院睇新戲之前緊係重温吓佢啲舊戲先啦，今次就順序咁講一次佢嘅著作(除咗《跟蹤》(Following)，因為呢套唔係劇情長片，又無出過碟，所以我都無睇過)。例牌無結局爆雷，只有導讀。  -----------------------------------------------------------------------------------------      第一套亦都係最多人討論嘅一套戲《 凶心人 (港)/ 記憶拼圖 (台)》( Memento )，造成兩極化評論主要原因係佢嘅非線性敍述方式，一般電影多數都係用直線嘅方式嚟敍述故事劇情，如： “ 小明去買面包途中，被車撞死 ” ，劇情係跟住時間進行;而非線情一般就係： “ 小明死左，原因係比車撞死，佢死之前想去買面包 ” ，由原本順序變成倒序或者係： “ 小明比車撞死，死前佢去緊買面包，途中嚇親個整車師傅導致佢唔記得整好個迫力繼而司機失控炒車，撞死咗佢 ” 呢類多線敍事嘅劇情。      基斯杜化係呢套戲可以話將非線性敍事手法玩到極致，劇情就講述主角 ‘ 連尼’(Lenny)被入屋搶劫嘅犯人打傷導致佢患上順行性失憶，即雖然保留受傷前嘅記憶，但無法產生新記憶，個人每約十五分就 ‘ 重裝’一次，連老婆都比人殺埋。以此為設定連尼踏上尋凶之路。呢套戲我睇完第一次就即刻重睇第二次，並唔係因為導演拍得唔好、剪接太亂，基本上好似我呢啲 ‘ 鈍人’一路睇可以消化得切個劇情，睇第二次嘅原因係一啲表情、對白同場景細節，好多都係我睇第一次時認為正常嘅細節，睇二次時有一種 “ 啊，唔怪之得啦 ” 嘅反應。有好多人就係無睇到第二次就覺得個劇情夾硬嚟，剪接又亂所以就留低咗個壞印，所以我推薦大家睇多一次！      最後係睇完套戲之後我個反應係： “ 擘大個口得個窿 ” ，完全比個結局震撼住，劇情發展一棍打落嚟令我措手不及，主角連尼講過： “ 記憶不可信，因為記憶會改變，要尋求真相就要靠事實線索。 ” 作為觀眾嘅我自然就跟住連尼一齊用事實作為線索去尋找真相，途中亦遇到唔少人出嚟搞搞震，到底誰是誰非、線索係咪真係可以指向全部嘅真相？真係要睇到尾先知！ ” 我是否透過欺騙自己令自己開心？ ” 、 “ 所有人

        好啦，人類係一種鐘意挑戰極限嘅生物，所以 ” 今天的我打倒昨天的我 ” 亦都合情合理 ”( ？)，繼上篇 ’ 日本動畫篇 ’ 掉低咗句美國動畫偏小朋友路線之後，我就諗咗一排，發覺其實都有好多美國動畫係睇完會有所感觸，咁就廢話唔多講，照舊，以下內容無結局暴雷，只有導讀，大家可以放心睇。  -----------------------------------------------------------------------------------------         一嚟就整套勁嘢！《 沖天救兵 》 ( UP ) 齋係影片頭十五分鐘已經值回票價，亦都係睇過嘅觀眾印象最深刻嘅場景之一，導演用 jump cut 嘅手法交帶咗主角之一 ’ 卡爾 (Carl)’ 嘅背景，配合跟住故事時而輕快時而悲傷嘅音樂，令到觀眾身同感受到卡爾嘅心路歷程，而另一位主角 ’ 羅素 (Russell)’ 就因為家庭問題導致離家出走，想去尋找傳說中嘅仙境瀑布。就係呢個設定之下兩位主角陰差陽錯咁一齊踏上尋境之路，亦都係救贖自己嘅道路，為過往錯以為是嘅諗法打開新思路。 Fun fact ： 電影入面好多嘢靈感都係嚟自現實，好似係大城市拒遷呢個靈感就嚟自西雅圖 Edith Macefield 嘅真實事件，而仙境瀑布就係委內瑞拉嘅天使瀑布等等。    -----------------------------------------------------------------------------------------         跟住就係廣為人知嘅《 反斗奇兵 》 ( Toy Story ) ，其經典程度就如同 ’XX 僱傭中心 ’ 一樣，由細細個聽到大個，就算你未睇過套戲都見過或知道入面啲角色。劇情其實好簡單：係呢個世界所有嘅玩具都有自我意識，玩具們會係你同佢玩時 ’ 扮死 ’ 任你擺佈，當你一擰轉身就會圍埋一堆係到圍威喂，而一班由細就陪著主角 ’ 安迪 ’ 嘅玩具，係佢長大後漸漸被遺忘，玩具們希望安迪唔好離佢地而去於是就策劃咗一場 ” 舉世無雙 ” 嘅行動，至於結局係點？都係留翻比各位慢慢睇啦‧    ------------------------------------------------------------------

        繼上篇推介咗日美兩國嘅動畫，今次就專門啲推介吓日本動畫，就如同上篇所述，日本動畫多數睇就都係有種患得患失嘅感覺，但係你以為日本動畫 ” 得個 SAD 字 ” 咁你就錯了，無錯驟眼眼落去唔係好結局，主人公多數都唔係 BBQ 收尾，但係正所謂 ” 喊過先知感動，痛過先識珍惜 ” ，呢一類 ” 壞結局 ” 令人留下更深刻印象，俾你有個機會去預先知道到底咁樣做會唔會留低一個遺憾。當你跟著故事主角係劇情路上一直前進，同佢一齊做每一個決定，去到最後得出一個無法改變嘅結果，反而可能令你係真實人生到做出 ” 好決定 ” 從而得出 ” 好結局 ” ，比起其他無病呻吟，夾硬搞嚟要你 ” 感動落淚 ” 嘅劇情結局，呢一類結局更顯突出，至於兩者如何區分每個人心裡都有把尺，今次就整幾套比大家自行判斷下。同樣無結局暴雷只有導讀，可以放心睇。  -----------------------------------------------------------------------------------------         第一套要講嘅就係《 聲之形 》，平時睇開嘅都係曲折離奇，又要行萬里路，又要上太空，最後都係只差一點點先可以再會面，好似《 聲之形 》咁 pure 咁 true 嘅真係買少見少，最勁嘅係佢將兩個劇情論點融入一條線到：感情線可以話係純情嘅 puppy love ，對比起另一條線可以話係劇情嘅亮光；而另一條救贖線就係令我感動嘅地方，劇情開始就講述男主 角' 將也' 細個成日霸凌女主角' 硝子' ，正所謂 ” 欺人者，人將欺之 ” ，將也自食其果；長大後因心存愧疚而想向硝子道歉，故事就以此為設定展開，我仲記得我一路睇個感覺係好激氣好嬲，點解入面啲角色會做出咁樣嘅決定，點解唔反抗，我會有咁嘅感覺並唔係因為角色行為白痴，相反係因為劇情發展非常有代入感，而係劇中所見全部都係真實世界發生緊，令人感到無力，只可以眼白白睇住佢地發展，去到結局前面鋪排嘅劇情一次爆發，搞到我都流兩滴馬尿出嚟，呢一套絕對值得一睇再睇，細細回味 !  --------------------------------------------------------------------------------         “ 秒速五