邁向天能，基斯杜化·路蘭(Christopher Nolan)電影之路！ #1
-----------------------------------------------------------------------------------------
第一套亦都係最多人討論嘅一套戲《凶心人(港)/記憶拼圖(台)》(Memento)，造成兩極化評論主要原因係佢嘅非線性敍述方式，一般電影多數都係用直線嘅方式嚟敍述故事劇情，如：“小明去買面包途中，被車撞死”，劇情係跟住時間進行;而非線情一般就係：“小明死左，原因係比車撞死，佢死之前想去買面包”，由原本順序變成倒序或者係：“小明比車撞死，死前佢去緊買面包，途中嚇親個整車師傅導致佢唔記得整好個迫力繼而司機失控炒車，撞死咗佢”呢類多線敍事嘅劇情。
基斯杜化係呢套戲可以話將非線性敍事手法玩到極致，劇情就講述主角‘連尼’(Lenny)被入屋搶劫嘅犯人打傷導致佢患上順行性失憶，即雖然保留受傷前嘅記憶，但無法產生新記憶，個人每約十五分就‘重裝’一次，連老婆都比人殺埋。以此為設定連尼踏上尋凶之路。呢套戲我睇完第一次就即刻重睇第二次，並唔係因為導演拍得唔好、剪接太亂，基本上好似我呢啲‘鈍人’一路睇可以消化得切個劇情，睇第二次嘅原因係一啲表情、對白同場景細節，好多都係我睇第一次時認為正常嘅細節，睇二次時有一種“啊，唔怪之得啦”嘅反應。有好多人就係無睇到第二次就覺得個劇情夾硬嚟，剪接又亂所以就留低咗個壞印，所以我推薦大家睇多一次！
最後係睇完套戲之後我個反應係：“擘大個口得個窿”，完全比個結局震撼住，劇情發展一棍打落嚟令我措手不及，主角連尼講過：“記憶不可信，因為記憶會改變，要尋求真相就要靠事實線索。”作為觀眾嘅我自然就跟住連尼一齊用事實作為線索去尋找真相，途中亦遇到唔少人出嚟搞搞震，到底誰是誰非、線索係咪真係可以指向全部嘅真相？真係要睇到尾先知！”我是否透過欺騙自己令自己開心？”、“所有人都需要記憶來提醒自己，我也一樣。”，到底一個人可唔可以靠習慣同線索生存？咁就要睇吓主角連尼點樣做！
-----------------------------------------------------------------------------------------
後記：寫呢編文比我想象中嘅難，要推薦一套戲就會講到套戲嘅一啲劇情或者題材，偏偏基斯杜化啲戲好多劇情都環環相扣，講得一樣嘢就好易容爆雷埋其他劇情，所以寫完又刪刪完又寫，終於揀咗啲無咁易容爆雷嘅點出嚟，至於跟住落嚟嗰幾套戲我諗都係相同情況，希望大家睇得開心啦！
記憶拼圖/凶心人 BD -MOP$ 193
可使用以下連結查詢價格或直接連繫我,每日更新不同影碟,快啲嚟睇吓有無啱心水啦!
如上表無你想要嘅碟亦都可以直接俾我名我去揾!
如有任何需要或疑問，歡迎聯絡：
Tel/whatsapp:+853 6806 7322
留言
張貼留言